Bakı. Trend:
Ermənistan ərazisində ABŞ-Ermənistan birgə təlimlərinin keçiriləcəyinə dair informasiya Kremldə narahatlıq doğurub.
Trend Rusiya mediasına istinadən xəbər verir ki, bunu Rusiya prezidentinin mətbuat katibi Dmitri Peskov deyib.
"Şübhəsiz, bu cür xəbərlər xüsusən indiki vəziyyətdə narahatlıq doğurur. Bu səbəbdən bu xəbərləri dərindən təhlil edərək vəziyyəti izləyəcəyik", - o deyib.
Qeyd edək ki, bundan əvvəl Ermənistanın Müdafiə Nazirliyi ABŞ-Ermənistan birgə təlimlərinin keçiriləcəyi barədə bəyanat yayıb.
Məlumata görə, təlimlər 11-20 sentyabr tarixlərində Ermənistan ərazisində keçiriləcək.