Bakı. Trend:
Ukrayna prezidenti Volodimir Zelenski indi seçki keçirməyin vaxtı olmadığını deyib və “bu mövzunu cəmiyyətə atmağı dayandırmağı” tələb edib.
Trend-in məlumatına görə, bu barədə V.Zelenski video müraciəti zamanı deyib.
"Hamımız başa düşürük ki, indi, müharibə şəraitində, çoxlu çətinliklərin olduğu bir vaxtda, seçki mövzusunu nədənsə qeyri-ciddi, oynaq, cəmiyyətə atmaq tamamilə məsuliyyətsizlikdir", - deyə o qeyd edib.
Qeyd edək ki, qanunvericiliyə uyğun olaraq Ukraynada Prezident seçkiləri 2024-cü il martın sonunda keçirilməlidir.
Ukrayna konstitusiyasına görə, hərbi vəziyyət zamanı seçkilərin keçirlməsi qadağandır. Zelenski dəfələrlə bəyan edib ki, prezident seçkiləri yalnız hərbi əməliyyatlar başa çatdıqdan sonra keçirilə bilər.