Bakı. Trend,
ABŞ Macarıstandan İsveçin NATO-ya üzvlüyünə dair sənədin ratifikasiya prosesini sürətləndirməsini xahiş edib.
Trend-in məlumatına görə, bu barədə Dövlət Departamentinin mətbuat xidmətinin rəis müavini Vedant Patel jurnalistlərə deyib.
“Əlbəttə, macar müttəfiqlərimizlə əlaqə saxlayırıq. Macarıstan hakimiyyəti İsveçin NATO-ya daxil olmasını dəstəklədiklərini bildirib. Biz ratifikasiya prosesinin tamamlamasını səbirsizliklə gözləyirik və alyans daha gecikmədən İsveçi öz sıralarına qəbul edəcək”, - deyə V.Patel qeyd edib.
O, həmçinin Vaşinqtonun Türkiyə parlamentinin yanvarın 23-də qəbul etdiyi qərarını alqışladığını vurğulayıb.