Bakı. Trend:
Belçika polisi hökumət binalarında zəhərli məktublar tapıb. Zərflərin içərisində brusin aşkar edilib.
Trend-in məlumatına görə, bu barədə "Politico" nəşri xəbər verib.
"Polis Brüsseldəki bir neçə dövlət idarəsində brusin adlı zəhərli ağ toz olan məktublar tapıb", - deyə bildirilib.
Brusin olan zərfləri alanlardan heç biri xəsarət almayıb, polis göndərənin kimliyini müəyyənləşdirir.
Qeyd edək ki, brusin insanın mərkəzi sinir sistemini həyəcanlandıran, ətraflarda, boyun və üz əzələlərində spazmlara səbəb olan zəhərdir. Bu zəhərin təsirinin özəlliyi səs və işığa məruz qaldıqda qıcolmaların güclənməsidir.