Bakı. Trend:
İtaliyanın "Duilio" hərbi gəmisi Qırmızı dənizdə pilotsuz uçuş aparatı məhv edib.
Trend-in məlumatına görə, bu barədə İtaliya Müdafiə Nazirliyi xəbər verib.
Məlumata əsasən, pilotsuz uçuş aparatı gəmiyə doğru uçub.
"Bu gün günortadan sonra özünümüdafiə prinsipini rəhbər tutaraq "Duilio" gəmisi Qırmızı dənizdə pilotsuz uçuş aparatını vurub", - deyə nazirlik bildrib.
Məlumata görə, PUA daha əvvəl hücumlar həyata keçirənlərlə eyni xüsusiyyətlərə malik olub. O, gəmidən təxminən altı kilometr aralıda görünüb.