Bakı. Trend:
Ermənistanın baş naziri Nikol Paşinyan Qazaxla həmsərhəd Tavuş vilayətinə səfər edib.
Trend xəbər verir ki, bu barədə Paşinyanın mətbuat katibi Nazeli Baqdasaryan sosial şəbəkədə məlumat yayıb.
Bildirilib ki, Paşinyan hazırda Əskipara, Bağanis və digər yaxın kəndlərin sakinləri ilə görüşlər keçirir.
Xatırladaq ki, bu yaxınlarda Ermənistanın baş naziri Nikol Paşinyan Ermənistan-Azərbaycan sərhədinin delimitasiya prosesinin Tavuş vilayətindən başlayacağını deyib.
"Vəziyyətdən və imkanlardan çıxış etmək lazımdır. Kommunikasiyaları Ermənistan tərəfi üçün rahat olan yerdə çəkmək, elə qurmaq lazımdır ki, de-yure olaraq Ermənistan ərazisindən keçsin", - o qeyd edib.
Bundan başqa, Paşinyan yaxın günlərdə Tavuşa gedəcəyini bildirib.