Bakı. Trend:
Tulkərm şəhərindəki ən böyük tibb müəssisələrinə avtomobillərin girişi bağlanıb.
Trend-in məlumatına görə, bu barədə Fələstinin WAFA xəbər agentliyi məlumat yayıb.
İsrail hərbçiləri İordan çayının qərb sahilindəki Tulkərm şəhərindəki ən böyük xəstəxanaları mühasirəyə alıb.
Agentliyin məlumatına görə, söhbət təcili yardım maşınları üçün məhdud olan “Əl-İsra” və “Tabet” tibb müəssisələrindən gedir, çünki hərbçilər onların hərəkətinə mane olur. Onlardan birinin üzərində axtarış aparılıb.
İsrail hərbçiləri Tulkərmdə şəhər bloklarında mövqe tutub, yüksəkliklərdə snayperlər yerləşdirilib. Agentlik qeyd edir ki, kəşfiyyat PUA-ları şəhərin üzərində aşağı hündürlükdə fəal şəkildə yerləşdirilir.