Bakı. Trend:
Oktyabrın 13-də Livanın "Hizbullah" hərəkatının pilotsuz uçan aparatının İsrailin şimalındakı Binyamina yaşayış məntəqəsi yaxınlığındakı hərbi bazaya zərbəsi endirilməsi nəticəsində 4 İsrail əsgəri həlak olub.
Trend-in məlumatına görə, bu barədə İsrail ordusunun mətbuat xidmti bildirib.
"Bazar günü "Hizbullah" terror təşkilatı tərəfindən buraxılan pilotsuz uçuş aparatı Binyamina yaxınlığındakı hərbi bazaya zərbə endirib. Hadisə nəticəsində 4 əsgər həlak olub, daha 7 əsgər isə ağır yaralanıb", - deyə bildirilib.
Mətbuat xidməti əlavə edib ki, “bütün yaralılar xəstəxanalara çatdırılıb”.