Bakı. Trend:
ABŞ-nin Nyu-Meksiko ştatında yerləşən "Navajo Refinery" neft emalı zavodunda partlayış və ardınca yanğın baş verib.
Trend xəbər verir ki, bu barədə xarici KİV-lər məlumat yayıb.
Məlumata görə, hadisə nəticəsində üç nəfər xəsarət alıb. Hadisənin hansı səbəbdən baş verdiyi hələ ki, məlum deyil.
Qeyd edilir ki, zavod ABŞ-nin cənub-qərbinə neft məhsulları tədarük edir.