Bakı. Trend:
Cenevrədə keçiriləcək danışıqlarda Tehran və Vaşinqton potensial razılaşma çərçivəsində Amerika hücumunun qarşısını almaq üçün iqtisadi stimul olaraq ABŞ-ın İranın təbii sərvətlərinə çıxışının təmin edilməsi imkanını müzakirə edə bilərlər.
Trend-in məlumatına görə, bu barədə "CNN" televiziya kanalı xəbər verib.
Kanalın mənbələrinə görə, nüvə sazişi ilə birlikdə bağlana biləcək biznes sövdələşmələri ötən il ABŞ-İran danışıqlarının bir neçə mərhələsində müzakirə olunub, o cümlədən "ABŞ-yə İran nefti, qazı və nadir torpaq ehtiyatlarının işlənməsi üçün imtiyazlı giriş imkanı verilməsi".
CNN-in mənbələrindən biri bildirib ki, "məsələnin yenidən gündəmə gəlməsi gözlənilir".