Azərbaycan, Bakı, 23 iyun /Trend/
İrlandiya saytı Avropa Oyunlarında iştirak edən idmançının müsahibəsini yayımlayıb.
Trend-in məlumatına görə, İrlandiyanın irishmirror.ie saytı Avropa Oyunlarında iştirak edən Brendan İrvin adlı idmançının müsahibəsini yayımlayıb.
Boks yarışlarında qalib gələrək medal uğrunda mübarizəsini davam etdirən Brendan Avropa Oyunlarında iştirak etməyin onda qürur hissi yaratdığını vurğulayıb.
İdmançı yarışların təşkilinin, məşq proseslərinin son dərəcədə mükəmməl təşkil edildiyini qeyd edib. Azərbaycanı çox bəyəndiyini qeyd edən yarış iştirakçısı millli mətbəximizi xüsusilə sevdiyini deyib.