Azərbaycan, Bakı, 19 oktyabr /Trend, müxbir M.Əliyev/
Azərbaycan Teatr Xadimləri İttifaqının 4 üzvü onkoloji xəstədir. Trend-in məlumatına görə, bunu Milli Məclisin Mədəniyyt komitəsinin cümə günü keçirilən iclasında Azərbaycan Teatr Xadimləri İttifaqının sədri Azərpaşa Nemətov deyib.
O, onkoloji xəstəlikdən əziyyət çəkən incəsənət xadimlərinin adını çəkməyib.
Nemətov Milli Məclisin deputatlarına müraciət edərək incəsənət xadimlərinin sosial vəziyyətinin yaxşılaşdırılması barədə müvafiq qanunvericilik aktlarına dəyişiklik edilməsinə yardım etmələrini xahiş edib.