Bakı. Trend:
4-cü Beynəlxalq “Number One" mükafatlandırma mərasimi bu il 30 Noyabr Kempinski Badamdar oteldə keçiriləcək.
“Number One” artıq dünyanın 8 ölkəsində sənət dünyası tərəfindən qəbul olunub həyata keçirilir. Bu barədə mətbuata layihənin Azərbaycan üzrə rəhbəri, teleaparıcı Tural Ozan məlumat verib. O, bildirib ki, bu il keçirilən mərasim həm Azərbaycan, həm də ingilis dilində baş tutacaq: “Ən çox danışılan isə hər il layihədən əvvəl keçirilən qırmızı xalı mərasimidir... Xalı üzərində mükafat alacaq məşhur şəxslər fotoqraf və operatorlar önündə dəb nümayiş etdirəcəklər. Tədbirə dəvət olunacaq şəxslərdən xüsusi “Qızmızı Xalı” “Dress Cod”una əməl etmələri xahiş olunur. Əks halda tanınmış şəxslər “dress control” tərəfindən mükafatlandırılmaya buraxılmayacaq. Mərasimi işıqlandırmaq üçün bütün telekanallar və kütləvi informasiya vasitələrinə bərabər şərait yaradlacaq.”
Qeyd edək ki, bu ilki mərasimdə aparıcı qismində Tural Ozanla yanaşı teleaparıcı Aysel Nazim də yer alacaq. Layihənin icraçı prodüsseri Azad Mirzədir.
İnformasiya dəstəyi - Trend.az, Day.az, Milli.az, Azernews.az