Bakı. Trend:
М.Maqomayev adına Azərbaycan Dövlət Akademik Filarmoniyasında Azərbaycan Respublikasının Xalq artisti, “Şöhrət” və “Şərəf” ordenli bəstəkar Tofiq Bakıxanovun yaradıcılıq fəaliyyətinin 70 illiyinə həsr olunmuş konsert keçirilib.
Trend xəbər verir ki, əvvəlcə çıxış üçün səhnəyə Naxçıvan Dövlət Universitetinin dosenti, sənətşünaslıq üzrə fəlsəfə doktoru Günay Məmmədova dəvət olunub.
Daha sonra bədii rəhbər və baş dirijor, Azərbaycan Respublikasının Xalq artisti Ağaverdi Paşayevin və dirijor Azərbaycan Respublikasının Əməkdar artisti Elman Əliyevin rəhbərliyi, Azərbaycan Dövlət Xalq Çalğı Alətləri Orkestri müşayiəti ilə solistlər - Azərbaycan Respublikasının Əməkdar artistləri Gülüstan Əliyeva, Almaz Orucova, Respublika və beynəlxalq müsabiqələr laureatları Nadir Məmmədov, Orxan Hüseynli, Leyla Dadaşova, Nurlana Abdullayeva, Səbinə Əlizadə və Fikrət Məmmədov çıxış ediblər.
Proqramda Tofiq Bakıxanovun əsərləri səslənib.
İnformasiya dəstəyi - Trend.Az, Day.Az, Milli.Az
