...

Ağsuda dəhşətli qəzada ölənlərdən biri nazirlik əməkdaşıdır

Gündəm Materials 16 Mart 2018 20:10 (UTC +04:00)
Ağsu rayonunda dəhşətli yol qəzasında ölənlərdən iki nəfərin adları məlum olub.
Ağsuda dəhşətli qəzada ölənlərdən biri nazirlik əməkdaşıdır

Bakı. Samir Əli - Trend:

Ağsu rayonunda dəhşətli yol qəzasında ölənlərdən ikisinin adları müəyyənləşib.

Trend-in məlumatına görə, həlak olanlardan biri Əmək və Əhalinin Sosial Müdafiəsi Nazirliyinin Sosial Müdafiə Mərkəzinin Ağsu rayon şöbəsinin əməkdaşıdır.

O, Ağsu rayon sakini, 1962-ci il təvəllüdlü İsmiyev Temirşah Sirac oğludur. Hadisə nəticəsində həlak olan digər şəxs T.İsmiyevin həyat yoldaşı, 1961-ci il təvəllüdlü İsmiyeva Mehparə Yarməmməd qızıdır.

Hadisə nəticəsində həlak olan digər 4 nəfər isə Siyəzən rayon sakinləridir və hələlik onların şəxsiyyətini müəyyən etmək mümkün olmayıb.

Xatırladaq ki, bu gün axşam saatlarında Ağsu rayonunun Muradlı kəndi ərazisində "VAZ-2106" və "VAZ-2107" markalı avtomobillər toqquşub. Hadisə nəticəsində 6 nəfər dünyasını dəyişib, 1 nəfər isə xəsarət alıb.

Məqalədə:
Xəbər lenti

Xəbər lenti