Bakı. Trend:
Yaponiyada yay mövsümünün başlaması ilə əlaqədar dövlət qulluqçularına işə qalstuksuz gəlməyə icazə verilib.
Trend-in məlumatına görə, bəzi nazirlər, eləcə də nazirlik işçiləri qalstuk taxmamaqla yanaşı, işə futbolkalarda da gəliblər.
Qeyd olunur ki, bu cür geyim forması oktyabrın 31-dək qüvvədə qalacaq.
Bu qərar 2011-ci ildə Fukusima atom elektrik stansiyasında baş vermiş qəzadan sonra elektrik enerjisinə, o cümlədən sərinləşdirmə sistemlərinin işində qənaət ilə əlaqədardır.