Bakı. İlhamə İsabalayeva-Trend:
Meşə bağları (aqrobağlar) salmaq məqsədilə meşə fondunun artıq sahələrində 9 530 hektar ərazi icarəyə verilib.
Trend-in məlumatına görə, bunu ETSN yanında Meşələrin İnkişafı Xidmətinin rəisi Namik Xıdırov “Ekspert saatı” proqramında deyib.
Onun sözlərinə görə, meşə fondu torpaqları fiziki və hüquqi şəxslərə icarəyə verilir:
“Meşə bitkiləri ilə örtülü olmayan torpaqlar meşəbərpa işləri məqsədilə 1 ildən 49 ilədək icarəyə verilir. Mütəmadi olaraq bu torpaqlarda monitorinqlər aparılır. İcarədarların icarə müqaviləsinə əməl edib-etmədiyi araşdırılır”.
N.Xıdırov qeyd edib ki, 2020-ci ilin payızında aparılan monitorinqin nəticələrinə görə, lazımı qaydada meşə bağları salmayan icarədarlara xəbərdarlıq edilib.