Bakı. Trend:
ABŞ-da afro-amerikalı Corc Floydu həbs zamanı qətlə yetirməkdə təqsirli bilinən keçmiş polis əməkdaşı Derek Şovin mərhumun mülki hüquqlarını pozmaqda ayrıca ittiham olunaraq 20 il müddətinə azadlıqdan məhrum edilib.
Trend-in məlumatına görə, bu barədə "The Washington Post" qəzeti xəbər verib.
D.Şovin ABŞ vətəndaşının konstitusiya hüquqlarını pozmaq üçün vəzifə səlahiyyətlərindən sui-istifadə etməkdə təqsirli olduğunu etiraf edib. Eyni zamanda, iyulun 7-də keçirilən prosesdə o, heç bir rəsmi üzr istəmədiyi və əməlindən peşman olmadığı qeyd olunub.