Bakı. Trend:
Ukraynadan kənd təsərrüfatı məhsullarının ixracına dair İstanbul razışmalarının həyata keçirilməsi qlobal ərzaq böhranının qarşısını almağa imkan verdi.
Trend-in məlumatına görə, bu barədə Türkiyə prezidenti Rəcəb Tayyib Ərdoğan Ankaradakı prezident sarayında Ramazan ayı münasibətilə Türkiyə paytaxtında akkreditə olunmuş xarici dövlətlərin səfirləri üçün iftar süfrəsində çıxışı zamanı deyib.
"Taxıl sazişinin həyata keçirilməsi sayəsində biz qlobal ərzaq böhranının qarşısını ala bildik. Qara dəniz taxıl dəhlizinin yaradılması təşəbbüsü göstərdi ki, müharibənin şərtlərinə baxmayaraq, danışıqların aparılması və razılığın əldə olunması üçün ilkin şərtlər var", - deyə Ərdoğan bildirib.
Türkiyə prezidenti Ukrayna böhranının ədalətli həllinə ümid etdiyini qeyd edib. Onun sözlərinə görə, buna Rusiya Federasiyası və Ukrayna prezidentləri Vladimir Putin və Vladimir Zelenski ilə müntəzəm təmaslar kömək edə bilər.