Bakı. Trend:
Şabran Rayon Polis Şöbəsinin əməkdaşları xidmətlə olarkən yol kənarından xeyli sayda silah-sursat aşkarlayıblar.
DİN Mətbuat Xidmətinin Quba regional qrupundan Trend-ə bildirilib ki, polis əməkdaşları tərəfindən 1 ədəd avtomat silah, müxtəlif növ iriçaplı silahlara məxsus 7 ədəd patron darağı, 2 ədəd qumbara, 3 ədəd qumbara başlığı və 485 ədəd müxtəlif çaplı patron aşkarlanaraq götürülüb.
Faktla bağlı araşdırma aparılır.