Bakı. Trend:
ABŞ-nin İrana hücumu ilə BMT TŞ-nin 2234 saylı qətnaməsi açıq-aşkar şəkildə pozulub.
Trend-in məlumatına görə, bunu İranın Azərbaycandakı səfirliyinin müvəqqəti işlər vəkili Seyid Cəfər Ağayi Məryan mətbuat konfransında deyib.
Onun sözlərinə görə, nüvə silahı omlayan ölkəyə iki nüvə silahı olan ölkə tərəfindən hücum olunub. Bu isə Nüvə Silahlarının Yayılmamasına dair Sazişə vurulmuş dəhşətli zərbədir.
Xatırladaq ki, iyunun 13-nə keçən gecə İsrail ordusu İrana kütləvi aviazərbələr endirməyə başlayıb. Zərbələr zamanı İranın nüvə obyektləri, generalları, nüvə fizikləri, aviabazaları, hava hücumundan müdafiə sistemləri və ballistik raketləri hədəf alınıb. Tehran isə buna cavab olaraq İsrailin hərbi bazalarına və sənaye obyektlərinə ballistik raket və PUA hücumu həyata keçirib. İyunun 22-nə keçən gecə isə ABŞ bombardmançı təyyarələri İranın nüvə obyektinə zərbələr endirib.