Azərbaycan, Lənkəran,30 may / Trend , müxbir P.Əliyeva/ Ötən axşamdan başlayan güclü küləkdən respublikanın cənub bölgəsində Lənkəran və Masallı rayonları ziyan çəkib.
Cənub regional elektrik təchizatının direktoru Şirin Quliyev Trend -a bildirib ki, güclü külək nəticəsində, ötən gecə Masallı - Yardımlı 35-10 kv - luq hava xəttində qısa qapanma yaradıb. Xətt qəza vəziyyətinə düşüb. Gecədən səhərədək aparılan iş nəticəsində xətti bərpa etmək mümkün olub. 10 kv - luq və 0,4 kv -luq hava xətlərində açılmalar isə ağaclarin xətlərin üstünə aşması üzündən olub.
Yardımlı rayonunda 40 dirək sıradan çıxıb. Səhər saatlarınadək rayonun 25 kəndi işıqsız qalıb. Hazırda bölgənin 70 % -də elektrik enerjisinin verilməsi bərpa edilib. Bu istiqamətdə işlər davam etdirilir.
Quliyev günün axırına kimi bölgədə enerjinin tam bərpa olunacağı bildirib.
Masallıda isə güclü külək, şəhərin H.Əliyev prospektindəki 44 saylı 5 mərtəbəli binanın damını uçurub. 1979 -cu ildə istifadəyə verilən binanın dam örtüyü sonuncu dəfə keçən il yenilənib. Binada 36 ailə yaşayır. Bu səhər rayonun fövqəlada hallar komissiyası hadisə yerində olub. Binanın təmir- bərpa işlərinin aparılması üçün tədbirlər görülür.
Hazırda rayonların fövqəlada hallar komissiyaları dəyən ziyanı araşdırırlar.
Məqalə müəllifi ilə əlaqə ünvanı: [email protected]
