Azərbaycan, Bakı, 13 noyabr / Trend , müxbir K.Zərbalıyeva/ Azərbaycan Ordusunun əsgəri soyuqdəymədən dünyasını dəyişib.
Noyabrın 10-da Ağstafadakı N saylı hərbi hissəsinin əsgəri 18 yaşlı Ruslan Adığözəlovun xəstəlikdən öldüyü məlum olub.
Trend -un bölgə müxbirinin hərbi mənbələrə istinadən verdiyi məlumata görə, əsgər soyuqdəymədən xəstəliyə tutulub və hərbi hissə rəhbərliyi tərəfindən vaxtında müalicəyə göndərilməyib.
Respublika Hərbi Prokurorluğundan isə Trend -a bildirilib ki, əsgərin ölümü ilə bağlı cinayət işi başlanıb. Hərbi Prokurorluqdan hansı maddə ilə cinayət işinin açıldığı barədə məlumat verilməyib.
Ağdam rayonundan məcburi köçkün düşmüş Adıgözəlov Mingəçevir şəhər Hərbi Komissarlığından hərbi xidmətə çağırılıb.
Məqalə müəllifi ilə əlaqə ünvanı: [email protected]