Azərbaycan, Bakı, 5 aprel /Trend, müxbir K.Zərbalıyeva/
Bakının Yasamal rayonunda arvad ərini qətlə yetirib.
Bakının Yasamal Rayon Prokurorluğundan bazar ertəsi Trend-ə verilən məlumata görə, aprelin 4-də saat 02:39 radələrində 1-ci Alatava qəsəbəsindəki 43 saylı mənzildə yaşayan 27 yaşlı Vüsalə Süleymanova həyat yoldaşı, 28 yaşlı Seymur Süleymanovu bir neçə bıçaq zərbəsi ilə öldürüb.
Qətlə ər-arvad arasında ailə-məişət mübahisəsi zəminində yaranan münaqişə səbəb olub.
Süleymanova həbs olunub və faktla bağlı rayon prokurorluğunda Cinayət Məcəlləsinin qəsdən adamöldürmə (120.1) maddəsi ilə cinayət işi başlanılıb, istintaq aparılır.
