Azərbaycan, Bakı, 2 sentyabr /Trend, müxbir H.Bağırov/
Azərbaycan paytaxtında qeydiyyatsız yaşayan Pakistan vətəndaşları saxlanılıb.
Daxili işlər Nazirliyi mətbuat xidmətindən Trend-ə verilən məlumata görə, Xətai Rayon Polis İdarəsi 34-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində, müvafiq qeydiyyatı və icazəsi olmadan Azərbaycan Respublikası ərazisində qanunsuz yaşayan 3 nəfər Pakistan vətəndaşı saxlanılıb.
İnzibati Xətalar Məcəlləsinin 330-cu maddəsinə uyğun olaraq, onların respublikanın hüdudlarından kənara çıxarılması məsələsi həll olunur.