Azərbaycan, Bakı, 23 sentyabr /Trend, müxbir M.Əliyev/
Cümə axşamı Azərbaycanda ölkənin Müdafiə Nazirliyinə məxsus hərbi maşın çevrilib, bir nəfər həlak olub, ikisi xəsarət alıb.
Hərbi maşın Bakının 30-35 kilometrliyində yerləşən Zeynalabdın Tağıyev qəsəbəsi ərazisində çevrilib. Yol-nəqliyyat hadisəsi nəticəsində bir hərbi qulluqçu həlak olub, ikisi yaralanıb. Bu barədə Trend-ə Dövlət Yol Polisi mətbuat xidmətinin rəhbəri Kamran Əliyev deyib.
Onun sözlərinə görə, hərbi avtomobil körpüdə dönərkən çevrilib.
Fakt üzrə araşdırma aparılır.