Azərbaycan, Bakı, 12 sentyabr /Trend, müxbir K.Zərbalıyeva/
Bakıda yük avtomobilləri toqquşub, bir nəfər ölüb.
Trend-in Fövqəladə Hallar Nazirliyinin saytına istinadən verdiyi məlumata görə, Qaradağ rayonunda "Qazel" və "Kamaz" markalı iki yük avtomobili toqquşub.
Nəticədə, hər iki nəqliyyat vasitəsi deformasiyaya uğrayıb, "Qazel" markalı avtomobilin sürücüsü - 1986-cı il təvəllüdlü İmanov Samir Abbasəli oğlu həlak olub.
Hadisə yerinə cəlb olunmuş xilasedicilər xüsusi alət və avadanlıqlar vasitəsilə avtomobildə sıxılmış vəziyyətdə qalmış İmanovun cəsədini nəqliyyat vasitəsindən çıxararaq aidiyyəti üzrə təhvil verib.
Faktla bağlı cinayət işi başlanıb.