Azərbaycan, Bakı, 10 fevral / Trend müxbir K.Zərbalıyeva/
Bakıda yaşayış evində partlayış olub, xəsarət alan var.
Trend-in Daxili İşlər Nazirliyinin rəsmi saytına istinadən verdiyi məlumata görə, fevralın 9-da saat 21:00 radələrində Xətai rayonu ərazisində yaşayan Sərrah Quliyevə məxsus evdə təbii qazın sızmasından yanğına keçən partlayış baş verib.
Nəticədə evin konstruksiyalarına ziyan dəyib, xəsarət almış ev sahibi isə xəstəxanaya yerləşdirilib, vəziyyəti orta-ağırdır.
Faktla bağlı araşdırma aparılır.