Azərbaycan, Bakı, 2 aprel / Trend müxbir K.Zərbalıyeva/
Bakıda internat məktəbində yanğın olub, 3 nəfər xəsarət alıb.
Xəzər Rayon Polis İdarəsindən Trend-ə verilən məlumata görə, bu gün səhər saat 08:00 radələrində Şüvəlandakı 2 saylı internat məktəbində yanğın olub.
Yanğın məktəbin tədris korpusunda baş verib.
Yanğın zamanı uşaqlar evakuasiya olunub.
Təxminən 2 saata qədər davam edən yanğın zamanı 3 nəfər yanğınsöndürən yüngül xəsarət alıb.
İlkin ehtimala görə, yanğın elektrik naqillərindəki qısaqapanmadan baş verib.