Azərbaycan, Bakı, 24 aprel / Trend müxbir K.Zərbalıyeva/
Bakıda minik avtomobili yolun kənarındakı 4 piyadanı vurub.
Respublika Baş Dövlət Yol Polisi İdarəsindən Trend-ə verilən məlumata görə, Xətai rayonu Zığ şossesində "Mercedes" markalı minik avtomobili yolun kənarındakı 4 piyadanı vurub.
Piyadalardan biri hadisə yerində dünyasını dəyişib, 3 nəfər isə ağır xəsarətlə xəstəxanaya yerləşdirilib.
Faktla bağlı Xətai Rayon Polis İdarəsində cinayət işi başlanıb.
Hadisəni törədən sürücü saxlanılıb.