Azərbaycan, Bakı, 3 iyul / Trend müxbir K.Zərbalıyeva/
Füzulidə iki avtomobil toqquşub, bir nəfər ölüb, üç nəfər yaralanıb.
Trend-in Daxili İşlər Nazirliyinin rəsmi saytına istinadən verdiyi məlumata görə, iyulun 3-də saat 00:30 radələrində Füzuli rayonunun "Qarabulaq qışlağı" adlandırılan ərazidə Kürdmahmudlu kənd sakini Mübariz Əhmədovun idarə etdiyi "VAZ-21011" markalı və Mahmudlu-1 kənd sakini Şəmsi Hüseynovun idarə etdiyi "VAZ-2106" markalı avtomaşınlar toqquşub.
Nəticədə xəsarət almış Əhmədov və sərnişini, Balabəhmənli kənd sakini Alay Ağayev, habelə Hüseynov və sərnişini, Mahmudlu-2 kənd sakini Hünər Şəniyev xəstəxanaya yerləşdiriliblər.
Hüseynov aldığı xəsarətlərdən orada dünyasını dəyişib.
Füzuli rayon Polis Şöbəsi tərəfindən faktla bağlı araşdırma aparılır.