Azərbaycan, Bakı, 11 sentyabr /Trend, müxbir E.Mehdiyev/
Bakıda Fransa vətəndaşına məxsus şirkətdən külli miqdarda pul oğurlanıb.
Nizami rayon prokurorluğundan Trend-ə verilən məlumata görə, sentyabrın 10-na keçən gecə Nizami rayonunda yerləşən, Fransa vətəndaşı Lieve Van Sendenin rəhbəri olduğu "Azərsix" MMC-dən qapını sındırma yolu ilə içərisində 160 min manat olan seyf oğurlanıb.
DİN BCAİ, Bakı Şəhər BPİ CAİ, Nizami RPİ CAŞ, NMB və 23-cü PB əməkdaşlarının birgə keçirdikləri əməliyyat tədbirləri nəticəsində oğurluqda şübhəli bilinən, həmin şirkətdə fəhlə işləyənlər - Gədəbəy rayon sakini Şamil Ələkbərov, Bakı şəhər sakinləri Vüsal Əlifov və Telman Mustafayev sentyabrın 10-da yaxalanıblar.