Daha bir yanğın hadisəsi ilə bağlı xəbər əlavə olunub (İlk xəbər 11:36-da yayılıb)
Azərbaycan, Bakı, 9 sentyabr /Trend, müxbir İ.İzzət/
Bakının 28 May küçəsində, keçmiş "Bakı" mehmanxanasının yanındakı yeni tikilmiş binada yanğın baş verib.
Trend xəbər verir ki, hadisə yerinə 2 yanğınsöndürən və təcili tibbi yardım maşınları cəlb olunub.
Fövqəladə Hallar Nazirliyinin (FHN) Baş Dövlət Yanğın Təhlükəsizlik İdarəsindən Trend-ə verilən məlumata görə, yanğın binadakı obyektlərin birində baş verib. Yanğın artıq söndürülüb və hadisə zamanı xəsarət alan olmayıb.
FHN-dən Trend-ə verilən məlumata görə, daha bir yanğın hadisəsi şəhərin Süleyman Rəhimov küçəsi 195 ünvanında baş verib.
Həmin ünvanda yaşayış evi yerləşir. Yanğınsöndürən briqadalar yanğını söndürüblər.