Azərbaycan, Bakı, 17 yanvar /Trend/
Bərdədə iki minik avtomobili toqquşub, bir nəfər yaralanıb.
Trend EL TV-yə istinadən xəbər verir ki, hadisə rayonun Heydər Əliyev prospektində baş verib.
Şahidlərin bildirdiyinə görə, yüksək sürətlə hərəkət edən "Daewoo" "Opel"in yoluna çıxıb.
Qəza nəticəsində yaralanan "Opel"-in sürücüsü Bərdə Mərkəzi Rayon Xəstəxanasına yerləşdirilib.
Faktla bağlı araşdırma aparılır.