Azərbaycan, Bakı, 30 may /Trend, müxbir İ.İzzət/
ARDNŞ-nin çilingəri Xızı rayonunda iş başında aldığı xəsarətdən ölüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, mayın 29-da Xızı rayonu Tıxlı kəndinin ərazisində ARDNŞ-nin Siyəzən Magistral Qaz Kəmərlərinin İstismarı İdarəsində çilingər işləyən Elnur Ağayev qaztənzimləyici qurğunu təmir edərkən təzyiqdən qapaq (klapan) qoparaq başına dəyib. Nəticədə çilingər hadisə yerində ölüb.
Faktla bağlı araşdırma aparılır.