Azərbaycan, Bakı, 28 sentyabr /Trend/
Gəncədə avtomobil işıq dirəyinə çırpılıb, sürücü xəsarət alıb.
Trend Kəpəz TV-yə istinadən məlumat verir ki, Samux rayonu Sərkar kənd sakini 32 yaşlı Emin Məmmədov VAZ 2107 markalı avtomobillə Gəncə şəhəri Poçt qəsəbəsində hərkətdə olarkən idarə etməni itirib və avtomobili yolun kənarındakı işıq dirəyinə çırpıb.
Nəticədə sürücü Emin Məmmədov ətrafdakıların köməyi ilə Gəncə şəhər Təcili Tibbi Yardım Xəstəxanasına çatdırılıb. Həkimlər ilkin müayinədən sonra yaralıda bir neçə xəsarətlər aşkarlayıb. Xəstəyə lazımı tibbi yardım göstərildikdən sonra yaxınlarının təkidi ilə ambulator müalicəyə göndərilib.
"Xəstə rentgen müayinəsindən keçirilib. Diaqnozu onurğanın bel nahiyəsinin əzniyi olub. Lazımi kömək göstərilib və yaralı xəstəxanada qalmaqdan imtina edib. O, ambulator müalicə üçün evə buraxılıb",- həkim Rəfail Əsədov bildirib.