Azərbaycan, Bakı, 2 oktyabr /Trend/
Tovuza qonaq gələn Gəncə şəhər sakini rayonda dava edib.
Trend Kəpəz TV-yə (Region TV) istinadən xəbər verir ki, Əyyublu kəndində baş verən hadisə zamanı kənd sakini Elsevər Mədədovla Gəncə sakini İntiqam Səlimov arasında mübahisə yaranıb.
Tərərflərin söhbəti dərinləşdiyindən birinci üzərində gəzdirdiyi silahı çıxararaq Gəncə sakininə hədə-qorxu gəlib, ona atəş açacağını bildirib. Tərəflərin davasına polis mane olub. Asayış keşikçiləri Elsəvər Mədədovu zərərsizləşdirərək ondan odlu silahlı götürüblər.
Kənddə baş verən mübahisənin hansı səbəbdən baş verdiyi isə hələ məlum deyil. Faktla bağlı araşdırma aparılır.