Bakı. Trend:
Birləşmiş Ərəb Əmirliklərinin “Etihad Airways” aviaşirkətinə məxsus təyyarə məcbur eniş edib.
Trend-in məlumatına görə, Hindistanın Caypur şəhərindən Əbu-Dabiyə uçan təyyarə havaya qalxdıqdan qısa müddət sonra Caypur hava limanına geri qayıtmağa məcbur olub. Buna səbəb mühərriklərin birində qeydə alınan texniki nasazlıq olub. Lakin pilot təyyarəni qəzasız endirə bilib.
Hadisə nəticəsində xəsarət alan olmayıb. Təyyarədə 106 sərnişin olub.