...

Sabirabadda narkotik maddələr əkib-becərən şəxslər saxlanılıb (FOTO)

Hadisə Materials 13 İyul 2017 11:58 (UTC +04:00)
Sabirabad rayon Polis Şöbəsinin (RPŞ) əməkdaşları tərəfindən “Xaş-Xaş 2017” kompleks tədbirlər planına uyğun olaraq qanunsuz dövriyyədən 26 kiloqramdan artıq narkotik maddə çıxarılıb.
Sabirabadda narkotik maddələr əkib-becərən şəxslər saxlanılıb (FOTO)

Bakı. Trend:

Sabirabad rayon Polis Şöbəsinin (RPŞ) əməkdaşları tərəfindən “Xaş-Xaş 2017” kompleks tədbirlər planına uyğun olaraq qanunsuz dövriyyədən 26 kiloqramdan artıq narkotik maddə çıxarılıb.

Daxili İşlər Nazirliyinin mətbuat xidmətindən Trend-ə verilən məlumata görə, RPŞ əməkdaşlarının iyun-iyul ayları ərzində həyata keçirdikləri əməliyyat-axtarış tədbirləri nəticəsində qanunsuz dövriyyədən ümumilikdə 26 kiloqram 522 qram müxtəlif xassəli narkotik maddələr çıxarılıb.

Qeyd edilən miqdarda narkotik maddələrin dövriyyəsi və əkilib-becərilməsi ilə məşğul olan 3 nəfər isə saxlanılaraq istintaqa təqdim edilib.

Belə ki, Sabirabad RPŞ-yə rayonun Kovlar kənd sakini Rövşən Ağayevin yaşadığı evdə narkotik tərkibli kolların əkib-becərməsi barədə əməliyyat məlumatı daxil olub. Həyata keçirilən əməliyyat-axtarış tədbirləri nəticəsində R.Ağayevin evinə baxış keçirilib. Baxış zamanı qeyd edilən evin yardımçı otaqlarından birindən ümumi çəkisi 18 kiloqram 255 qram olan yaş və qurudulmuş formada olan marixuana aşkar olunaraq götürülüb.

Bundan başqa, daxil olan əməliyyat məlumatı əsasında RPŞ əməkdaşları tərəfindən həyata keçirilən növbəti əməliyyat-axtarış tədbirləri nəticəsində Qaratəpə kənd sakini Səbuhi Rüstəmovun yaşadığı evə və həyətyanı sahəsinə baxış keçirilib. Baxış zamanı qeyd edilən şəxsin evinin müxtəlif hissələrində gizlətdiyi satış üçün nəzərdə tutulan ümumi çəkisi 2 kiloqram 294 qram olan marixuana, eləcə də kultivasiya yolu ilə yetişdirilən çətənə kolları, onların kökləri və toxumları aşkar edilərək götürülüb.

Daha bir əməliyyat tədbirləri nəticəsində rayon sakini əvvəllər dəfələrlə məhkum olunan Soltan Ağayevin də yaşadığı fərdi yaşayış evinə və həyətyanı sahəsinə baxış keçirilib. Baxış zamanı S.Ağayevin evinin zirzəmisində xüsusi üsulla 23 ədəd kibrit qutusunda qablaşdırdığı ümumi çəkisi 155 qram olan marixuana aşkar edilərək götürülüb. Əməliyyat-axtarış tədbirlərinin davamı olaraq S.Ağayevin yaşadığı evin digər otaqlarına baxış zamanı isə əlavə olaraq 5 kiloqram 218 qram marixuana aşkar edilib.

Saxlanılan şəxs ifadəsi zamanı çətənə toxumlarını bir neçə ay bundan əvvəl evinin həyətində əkdiyini, onlara xüsusi üsulla qulluq edərək yetişdirdiyini və qurutduğunu bildirib.

Qeyd edilən faktlarla bağlı Cinayət Məcəlləsinin müvafiq maddələri ilə cinayət işləri başlanılıb, araşdırmalar və zəruri əməliyyat-axtarış tədbirləri davam etdirilir.

Məqalədə:
Xəbər lenti

Xəbər lenti