...

İnsan alverində təqsirləndirilən fermerlərə şərti cəza verildi

Hadisə Materials 15 Mart 2018 14:49 (UTC +04:00)
Bakı Ağır Cinayətlər Məhkəməsində insan alverində təqsirləndirilən təqsirləndirilən Tofiq Rzayev və qardaşı oğlu Vüqar Rzayevin cinayət işi üzrə məhkəmə prosesi başa çatıb.
İnsan alverində təqsirləndirilən fermerlərə şərti cəza verildi

Bakı. Samir Əli - Trend:

Bakı Ağır Cinayətlər Məhkəməsində insan alverində təqsirləndirilən Tofiq Rzayev və qardaşı oğlu Vüqar Rzayevin cinayət işi üzrə məhkəmə prosesi başa çatıb.

Trend-in məlumatına görə, hakim Eldar İsmayılovun sədrliyi ilə keçirilən prosesdə təqsirləndirilən şəxslərə hökm oxunub.

Məhkəmənin hökmü ilə T.Rzayev 8 il, V.Rzayev isə 7 il 6 ay müddətinə azadlıqdan məhrum edilsə də, həbs olunmayıb. Onların barəsində Cinayət Məcəlləsinin 70-ci (şərti) maddəsi tətbiq edilib. Hər iki şəxsə 2 il sınaq müddəti təyin edilməklə şərti cəza verilib.

İttihama görə, təqsirləndirilən T.Rzayev və onun qardaşı oğlu V.Rzayev 2000-ci ildən zərərçəkmiş şəxslər - Aleksandr Kolesnikov və İqor Kolesnikova hədə-qorxu gələrək Abşeron rayonunda yerləşən Donuz kökəltmə fermasında məcburi şəkildə işlədiblər. Daha sonra hər iki şəxs İnsan Alverinə Qarşı Mübarizə İdarəsinin əməkdaşları tərəfindən saxlanılıb.

Onlar Cinayət Məcəlləsinin 144-2-ci (insan alveri və istismarı, məcburi əmək) maddəsi ilə ittiham olunub.

Məqalədə:
Xəbər lenti

Xəbər lenti