Bakı. Trend:
Yaponiyada davam edən leysan yağışı ilə əlaqədar sakinlərə təxliyəyə hazır olmaq göstərişi verilib.
Trend-in məlumatına görə, güclü yağıntıların səbəb olduğu daşqınlarda azı 3 nəfər həlak olub, itkin düşənlərin olduğu da qeyd edilir.
Ümumilikdə 14 prefekturada 520 minə yaxın sakinin təxliyə barədə göstəriş aldığı deyilir.
Qeyd olunur ki, 6 prefekturada 18 çayın səviyyəsi kritik həddə çatıb.
Leysan yağışların bu gün və sabah da davam edəcəyi proqnozlaşdırılıb.