Bakı. Samir Əli - Trend:
Qobustan stansiyasının ərazisində "Azərişıq" ASC-yə məxsus transformatorda yanğın olub.
Trend-in məlumatına görə, hadisə bu gün səhər saatlarında baş verib.
Yanğının söndürülməsinə FHN-in yanğınsöndürmə briqadaları, Biləcəri və Hacıqabul yanğınsöndürmə qatarları cəlb edilib. Yanğın söndürülüb.
Hadisə nəticəsində xəsarət alan olmayıb, qatarların hərəkətində fasilə yaranmayıb.
Yanğına texniki nasazlıq səbəb olub.