Bakı. Trend:
Bakıda ağır yol qəzası baş verib.
Trend-in məlumatına görə, hadisə Kənar Dairəvi yolun Yasamal rayonu ərazisindən keçən hissəsində qeydə alınıb.
Belə ki, 90-OG-399 dövlət nömrə nişanlı "Toyota Land Cruzer" markalı avtomobil eyni istiqamətdə hərəkətdə olan 90-NG-385 dövlət nömrə nişanlı "Hyundai-Sonata" markalı avtomobillə toqquşub.
Hadisə nəticəsində ölən və yaralananlar barədə məlumat yoxdur.
Baş vermiş qəzaya görə Kənar Dairəvi yol bağlanıb, kilometrlərlə
tıxac yaranıb.
Hadisə yerinə yol polisləri cəlb olunub.