Bakı. Maksim Tsurkov - Trend:
Müxtəlif ölkələrin nümayəndə heyətləri martın 5-6-da Bakıda keçiriləcək batut gimnastikası üzrə Dünya Kuboku üçün akkreditasiyadan keçirlər.
Trend-in verdiyi məlumata görə, indiyədək Azərbaycan, Özbəkistan, Avstraliya, Belarus, Böyük Britaniya, Yaponiya, Qazaxıstan və Ukrayna komandaları akkreditasiyadan keçiblər.
Batut gimnastikası üzrə Dünya Kuboku Bakıda ilk dəfə keçirilir.
Olimpiya ilinin batut gimnastikası üzrə ilk yarış mövsümünün açılışını edən kubokda Avropa ilə yanaşı, uzaq Şərq ölkəsi Yaponiya, Okeaniya ölkəsi Avstraliya, eləcə də Atlantik okeanının sahillərindən ABŞ-ı təmsil edən idmançılar iştirak edəcək.
Trend müxtəlif ölkələrin nümayəndə heyətlərinin akkreditasiyasından fotoreportajı təqdim edir.
