...

Ermənistan-Türkiyə sərhədinin açılması Dağlıq Qarabağ münaqişəsinin həllinə müsbət təsir edə bilər - rusiyalı həmsədr

Ermənistan-Azərbaycan münaqişəsi Materials 1 Aprel 2009 18:59 (UTC +04:00)

Azərbaycan, Bakı, 01 aprel / Trend , müxbir E.Rüstəmov / "Ermənistan-Türkiyə sərhədinin açılması Dağlıq Qarabağ münaqişəsinin həllinə müsbət təsir edə bilər", - Trend -a çərşənbə günü Moskvadan telefonla ATƏT-in Minsk qrupunun həmsədri Yuri Merzlyakov deyib.

"Münasibətlərin normallaşması özlüyündə müsbət bir faktdır və regiondakı durumun sabitləşməsinə kömək etməlidir. Çünki Ermənistan özünü təcrid olunmuş hiss etməyəcək", - Merzlyakov bildirib.

Avropa İttifaqının anonim yüksək vəzifəli məmuru ABŞ Prezidenti Barak Obamanın Türkiyəyə apreldəki səfərindən sonra türk-erməni sərhədinin açılmasına ümidini bildirib. Bu haqda informasiyanı Türkiyənin Sabah qəzeti yayıb. Obama Türkiyəyə 5-7 apreldə səfər edəcək.

Diplomat, sərhədlərin açılışından sonra Dağlıq Qarabağ münaqişəsinin həlli məsələsində danışıqlara meyl olmayacağı ilə bağlı fikirlərlə razı deyil. 

"Ermənistan danışıqları dayandıra bilməz, ona təsir vasitələri hələ qalır. Sadəcə, regiondakı durumun normallaşmasının yalnız Azərbaycan-Ermənistan münasibətlərindən asılı olduğunu düşünmək lazım deyil", - Merzlyakov deyib.

İki Cənubi Qafqaz ölkəsi arasında münaqişə 1988-ci ildə Еrmənistanın Azərbaycana qarşı ərazi iddiası irəli sürməsi zəminində yaranıb. 1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992-1993-cü illərdə Şuşa, Xocalı və Dağlıq Qarabağa bitişik yeddi rayon işğal olunub. 1994-cü ilin mayında tərəflər atəşkəs rеjiminə dair razılaşma əldə еdiblər və о vaхtdan bəri, ATƏT-in Minsk Qrupunun himayəsi altında, Rusiya,  Fransa və ABŞ-ın həmsədrliyi ilə, hələ də nəticəsiz sülh danışıqları aparılır. 

Məqalə müəllifi ilə əlaqə ünvanı: [email protected]

Xəbər lenti

Xəbər lenti