Azərbaycan, Bakı, 19 avqust /Trend/
Azərbaycan-Ermənistan qoşunlarının təmas xəttində gərginlik davam edir.
Müdafiə Nazirliyindən Trend-ə verilən məlumata görə, Ermənistan silahlı qüvvələrinin bölmələri avqustun 18-də saat 16:20-dən 16:35-dək Goranboy rayonunun ərazisindəki adsız yüksəkliklərdə yerləşən mövqelərdən, saat 21:55-dən 22:10-dək, 22:50-dən 22:55-dək, avqustun 19-da saat 00:35-dən 00:41-dək və 01:50-dən 01:58-dək Füzuli rayonunun Aşağı Veysəlli kəndi yaxınlığında və adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.