Azərbaycan, Bakı, 24 sentyabr /Trend/
Ermənistan Silahlı Qüvvələrinin bölmələri atəşkəs rejimini pozub.
Müdafiə Nazirliyinin mətbuat xidmətindən Trend-ə verilən məlumata görə, Ermənistan silahlı qüvvələrinin bölmələri sentyabrın 23-də saat 19.10-dan 19.15-dək Ermənistan Respublikasının Berd rayonunun Çinarlı kəndində yerləşən mövqelərdən Tovuz rayonunun Ağbulaq kəndində yerləşən mövqelərimizi;
- saat 10.00-dan 10.25-dək və 16.00-dan 16.10-dək Xocavənd rayonunun Kuroptakino kəndi yaxınlığında yerləşən mövqelərdən;
- saat 12.00-dan 12.30-dək Cəbrayıl rayonunun ərazisindəki adsız yüksəkliklərdə yerləşən mövqelərdən;
- saat 17.20-dən 17.27-dək Göygöl rayonunun ərazisindəki adsız yüksəkliklərdə yerləşən mövqelərdən;
- sentyabrın 24-də saat 00.45-dən 01.00-dək, 01.40-dan 01.55-dək və 02.20-dən 02.30-dək Tərtər rayonunun Qızıloba, Göyarx və adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.