Azərbaycan, Bakı, 13 oktyabr /Trend, müxbir K.Zərbalıyeva/
Ermənistan Silahlı Qüvvələrinin atəşkəsi pozması nəticəsində bir əsgərimiz yaralanıb.
Hərbi mənbədən Trend-ə verilən məlumata görə, Bakının Xəzər rayonundan hərbi xidmətə çağırılmış Şükürlü Elnur Arif oğlu düşmən hərbiçilərin açdığı atəş nəticəsində döş qəfəsindən güllə yarası alıb və hospitala yerləşdirilib.
Əsgər bu ilin aprelində hərbi xidmətə başlayıb.
Müdafiə Nazirliyinin mətbuat xidmətinin rəis müavini Teymur Abdullayev Trend-ə bildirib ki, ermənilərin açdığı atəş nəticəsində güllə qaya parçasına dəyərək istiqamətini dəyişib Şükürlünün qolunu yüngül yaralayıb.