Azərbaycan, Bakı, 21 noyabr /Trend, müxbir M.Əliyev/
Almaniya deputatları Dağlıq Qarabağ münaqişəsinin həlli ilə bağlı müzakirələr aparacaqlar. Bu barədə Trend-ə Milli Məclisin mətbuat xidmətindən məlumat verilib.
Millət vəkili Rasim Musabəyovun iştirak edəcəyi konfrans "Dağlıq Qarabağ sülh prosesi: münaqişənin həllində ədalətin rolu" mövzusunda keçiriləcək.
Noyabrın 23-dən başlayaraq Frankfurt şəhərində keçiriləcək müzakirələr almaniyalı deputatların təşəbbüsü ilə baş tutacaq. Tədbirdə Musabəyov münaqişənin nizamlanması prosesindəki mövcud durum barədə danışacaq, Azərbaycanın münaqişənin sülh yolu ilə, beynəlxalq hüquq normaları çərçivəsində ədalətli həllinə tərəfdar olmasını diqqətə çatdıracaq.