Azərbaycan, Bakı, 26 iyul /Trend, müxbir S.Əhmədova/
Azərbaycanın ABŞ-dakı səfirliyinin dərhal müdaxiləsindən sonra bu ölkənin "The New York Times" qəzetinin internet saytında hava proqnozu bölümündə Bakının Ermənistanın paytaxtı kimi göstərilməsi səhvi düzəldilib. Bu barədə Trend-ə səfirlikdən məlumat verilib.
Qeyd edək ki, dünən ABŞ-ın "The New York Times" qəzetinin rəsmi internet səhifəsinin hava proqnozu bölümündə Azərbaycanın paytaxtı Bakı şəhəri Ermənistanın paytaxtı kimi göstərilmişdi.